منتدى سوبر اكس

كل ماتريدو تجيدونه هنا اهلا وسهلا بكم
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 تدري وش كثرررر احبك ؟؟

اذهب الى الأسفل 
كاتب الموضوعرسالة
kaji by
Admin
Admin
avatar

المساهمات : 134
تاريخ التسجيل : 09/12/2007
العمر : 33

مُساهمةموضوع: تدري وش كثرررر احبك ؟؟   الخميس نوفمبر 20, 2008 5:26 pm

احبك كثر ما قد صار .. احبك رغم ما قد صار





احبك كثر ما دنيا الزعل والصـد مهجـوره











احبك كثر ما تمطر بصدري من غلاك امطـار






احبك كثر ما صارت اراضي العشق ممطـوره











احبك كثر ما تفتـح شبابيـك الربيـع ازهـار






احبك كثر ما غنّت عشان الصبـح عصفـوره











احبك كثر ما تاقف على جنب الطريق اشجـار






احبك كثر ما يقسى الشتـا وتهاجـر طيـوره











احبك كثر ما فـ الأرض بنت (ن) تلفـت الأنظـار






احبك كثر مايرتاح عطـر بصـدر مغـروره











احبك كثر ما جاب المساء فـي معطفـه زوار






احبك كثرمـا جانـا صبـاحٍ يشبهـك نـوره











احبك كثر ما تهدي كفوف الوصل مـن تذكـار






احبك كثر ما شالت يديـن العاشـق ازهـوره











احبك كثر ما نقرا عن الفارس عـن المغـوار






احبك كثر ما نسمـع ولا شفنـا ولا اسطـوره











احبك كثر ما تلعـب بدنيـا العاشقيـن اقـدار






احبك كثر ما .. ذا الحظ دايم يعلـن اقصـوره









احبك كثر ماعاثـت ريـاح بحسبـة البحـار








احبك كثر ما البحـار يعشـق نسمـة ابحـوره









احبك كثرما يتلحف اللي منشغـل باعـذار








احبك كثر ما فـ الناس نـاس بجـد معـذوره









احبك كثر مـا ملّـت قصايدنـا مـن التكـرار








احبك كثر ما الشاعر تمنـى حـب جمهـوره









احبك كثر ما شفنا على وجـه الزمـان اثـار








احبك كثر ما في الأرض فقر وناس ميسـوره









احبك كثر ما نجهل متى توقف بنـا الأعمـار








احبك كثر ما قلنـا عـن الأحـوال مستـوره









احبك كثر مـا دارت بذهـن الحالميـن افكـار








احبك كثر ما في الخير ناس ب خير مذكـوره









احبك كثر ما نرمـي حكايـات الحطـب للنـار








احبك كثرما نسمـع حكايـا حـب مشهـوره









احبك كثر ما ضاق السجيـن بلعنـة الأسـوار






احبك كثر ما هـاج البحـر واجتاحتـه ثـوره











احبك كثر ما ننسى واحبك كثـر مـانحتـار






احبك كثر ما يسهر محب وفـي يـده صـوره











احبك كثر ما تقطع شفاتك فـ العسـل مشـوار






احبك كثر ما خدك يخلـي الشمـس مبهـوره











احبك كثر ما روّج عليك الحسن مـن اخبـار






احبك كثر ما صدرك يـدوخ الـورد بعطـوره











احبك كثر ما في عينك من السحـر والأغـوار






احبك كثر ما فيك الغـلا مـا وفّـت اسطـوره











احبك والزمن ساكن واحبـك لـو زمانـي دار






احبك يا مدينة حب وسـط الصـدر معمـوره











احبك والتفت شاعر لعينك و يكتب الاشعـار






حلف ما يمسي الليله قبل مـا يكتـب اشعـوره











ورتبتك بصدري وانت تستاهـل وراعـي دار






تفضّل قلّـب اوراق الغـلا وايديـك مشكـوره











ذكرتك وانت لو مثلك ذكرتـه هلّـت الانـوار






وقمت اجمع من اشواقي قصايد عشق منثـوره











تلبّست الجمال وقلت ابهديـك القصيـد ازرار






غلاك وصدق حبك ما ترك لي نفس مكسـوره











انا عاشق جمال وما خفاني فـ الجمال اسـرار






انالامن كتبت اعطيك واعطي العشق بك دوره











كتبتك فـ القصيد ابيات من حسنك عليك تغـار






حروف العشق طفله في ثياب العيد مسـروره











لقيتك والدلع والثقل ( شِلّه ) والحسـن ثرثـار






يقول اشيا كثيره للعيـون ويثبـت احضـوره











كفايه لو تطل ويفـرح ابطلّتـك دار وجـار






كفايه لو تشوف الناس في نظرتـك مـ أسـوره











غرامك يغري حروف سقاها الصدق منك امطار






كتاباتـي بتشهـد للغـرام وتحفـظ اعصـوره











احبك رغم ما قدصار .. احبك حيل مهما صار






احبك دام انا طيب .. واراضي العشق ممطوره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://superx.mam9.com
 
تدري وش كثرررر احبك ؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سوبر اكس :: الشعر والخواطر :: شعر من أشعاري-
انتقل الى: